پاکستان میں سعودی سفیر نواف بن سعید المالکی نے کہا ہے کہ پاکستان کے عوام استحکام اور ترقی کے مستحق ہیں۔

نواف بن سعید المالکی نے وفاقی وزیر برائے بجلی انجینئر خرم دستگیر خان اور وزیر مملکت ہاشم نوتیزئی سے ملاقات کی جس میں وزراء نے دونوں ممالک کے دیرینہ تعلقات کی تعریف کی اور انہیں مزید مضبوط کرنے کے لیے حکومت کے عزم کا اعادہ کیا۔

اس موقعے پر سفیر نے موجودہ حکومت کے لیے نیک تمناؤں کا اظہار کیا اور کہا کہ پاکستان کے عوام استحکام اور ترقی کے مستحق ہیں۔

دونوں برادر ممالک کی قیادت نے مختلف شعبوں میں دو طرفہ تعلقات اور تعاون کو مزید فروغ دینے کا عزم کیا۔