ڈی جی آئی ایس پی آر نے کہا ہے کہ سی پیک پاک چین دوستی کا منہ بولتا ثبوت ہے

نجی ٹی وی  سے گفتگو کرتے ہوئے ڈی جی آئی ایس پی آر میجر جنرل بابر افتخار نے کہا ہے کہ پاکستان کے چین کے ساتھ  تعلقات انتہائی اہم ہیں، چین نے ہمیشہ ہمارا ساتھ دیا جبکہ اس دورے کا مقصد تعلقات کو مزید مضبوط بنانا تھا۔

انہوں نے کہا کہ چین کےساتھ تعلقات خطے میں امن کے لیے بہت اہم ہیں، پاک چین اقتصادی راہداری (سی پیک) کی سکیورٹی فوج کودی گئی ہے۔ چین نے پاکستان کی دفاعی قوت بڑھانے میں اہم کردار ادا کیا،

میجر جنرل بابر افتخار نے مزید کہا کہ محدود وسائل کے اندررہ کرپاک فوج تمام ذمہ داریاں پوری کر رہی ہے ، بھارت نے ہمیشہ دفاعی بجٹ کو بڑھایا جبکہ آرمی چیف نے ہدایات دیں ہیں کہ مشقوں کو بڑے پیمانوں کے بجائے چھوٹے پیمانے پر کرایا جائے، پچھلے سال کورونا کی مد میں جو رقم ملی اس میں سے 6 ارب واپس کیا تھا۔۔۔