رکن قومی اسمبلی فہمیدہ مرزا نے کہا ہے کہ سندھ بلدیاتی الیکشن میں عوام کو ڈرایا دھمکایا گیا۔

فہمیدہ مرزا نے قومی اسمبلی کے اجلاس میں اظہار خیال کرتے ہوئے کہا کہ اس وقت ایوان ڈیبیٹنگ کلب کے علاوہ کچھ نہیں،

وزراء کے چیمبرز اور گھروں کی آرائش پر خرچے قوم برداشت نہیں کر سکتی۔

ان کا کہنا تھا کہ الیکشن کمیشن کو 6 ارب سے زائد کی رقم دی جا رہی ہے۔

اسپیکر قومی اسمبلی راجہ پرویز اشرف نے فہمیدہ مرزا کے بیان کو کاٹتے ہوئے کہا کہ صوبائی معاملات پر ایوان میں بحث مت کریں، اس طرح تو بجٹ کبھی مکمل نہیں ہو سکے گا۔

بات نہ کرنے دینے پر فہمیدہ مرزا نے قومی اسمبلی میں احتجاج کیا۔