وزیر خزانہ مفتاح اسماعیل کی زیر صدارت اقتصادی رابطہ کمیٹی کا اجلاس  ہوا  اجلا س میں وفاقی وزراء، سیکرٹریز اور دیگر اعلی حکام نے  شرکت کی ۔

ای سی سی اعلامیے کے مطابق یوٹیلیٹی اسٹورز پر ملک بھر میں گھی 300 روپے فی کلو فراہم کرنے کی منظوری  دی گئی  جبکہ یوٹیلیٹی ا سٹورز کیلئے 3 ارب 44 کروڑ روپے کی سپلیمنٹری گرانٹ کی  بھی منظوری دیدی گئی

ای سی سی کے ہونے والے اجلاس میں چار طیاروں کی لیز پر عائد 17 فیصد سیلز ٹیکس کی 1.58 ارب کی ادائیگی کی منظوری      بھی شامل ہے۔۔

  اجلاس میں پی ایس او اور پی ایل ایل کےلئے ایل این جی اور پٹرولیم مصنوعات کی مد میں 36 ارب فنڈز کی فراہمی کی منظوری دے دی گئی  جبکہ ایف بی آر کی ایک ارب 52 کروڑ کی سپلیمنٹری گرانٹ کی منظوری  دی گئی

ای سی سی اعلامیے کے مطابق  صوبائی حکومتوں کی جانب سے مختلف اخراجات کیلئے 130 ارب روپے کی ضمنی گرانٹس منظور کی گئ

اجلاس میں  وزارت داخلہ کیلئے ڈیڑھ ارب  اور 709 ملین روپے جبکہ وزارت اطلاعات و نشریات کیلئے 535.8 ملین روپے کی سپلیمنٹری گرانٹس کی منظور  ی دی گئی