ڈی جی رینجرز سندھ میجر جنرل افتخار حسن کی زیر صدارت رینجرز ہیڈ کوارٹرز میں شہر کی امن وامان کی مجموعی صورتحال اور کراچی میں این اے 240  ضمنی انتخاب  کے حوالے سے سیکیورٹی پلان کا جائزہ لینے کیلئے ایک اعلیٰ سطح کا اجلاس ہوا،

اجلاس میں کمشنر کراچی، ایڈیشنل آئی جی کراچی، ایڈیشنل آئی جی اسپیشل برانچ، ایڈیشنل آئی جی سی ٹی ڈی سمیت رینجرزاور حساس اداروں کے اعلیٰ افسران نے شرکت کی۔

ترجمان سندھ رینجرز کے مطابق اجلاس میں کراچی شہر میں بڑھتے ہوئے اسٹریٹ کرائم خصوصاً ڈکیتی کے سدِباب کے لیے مربوط حکمتِ عملی پر زور دیاگیا اور رینجرز، پولیس اور دیگرلاء انفورسمنٹ ایجنسیز کی جانب سے مشترکہ لائحہ عمل کی منظوری دی گئی

ترجمان سندھ رینجرز نے عوام سے بھی اپیل کرتے ہوئے کہا  کہ وہ کسی بھی شرپسند عناصر،مشکوک سر گرمی اور نا خو ش گوار واقعہ کی فوری اطلاع تعینات رینجرز اہلکار،رینجرز ہیلپ لائن 1101 پریا واٹس ایپ نمبر03479001111 پر کال یا ایس ایم ایس کے ذریعے دیں