مشعال حسین ملک نے کہا ہے کہ عالمی عدالت انصاف یاسین ملک کے معاملے کا نوٹس لے۔

حریت رہنما یاسین ملک کی اہلیہ مشعال حسین ملک نےاپنے ایک بیان میں کہا کہ یاسین ملک کو دہشگرد کہنا بھارتی بوکھلاہٹ ہے۔

انہوں نے کہا کہ سید علی گیلانی کے جسد خاکی سے ڈرنے والا بھارت،یاسین ملک کی حق گوئی سے خوفزدہ ہے۔

مشعال حسین ملک کا کہنا تھا کہ بھارت جبر زبردستی کے ذریعے کشمیری قوم کو غلام نہیں بنا سکتا، بھارت تحریک آزادی کو کچلنا چاہتا ہے۔

حریت رہنما یاسین ملک کی اہلیہ نےکہا کہ بھارت کے کالے قوانین و عدالتی نظام عالمی تقاضوں کے منافی ہے۔

انہوں نے یہ بھی کہا کہ ہزاروں بے گناہوں کے قاتل کلبھوشن یادیو کا کیس عالمی عدالت انصاف میں سنا جا سکتا ہے تو لاکھوں کشمیریوں کے قتل اور لاکھوں کشمیریوں کی توانا آواز یاسین ملک کا کیس بھی عالمی عدالت میں سنا جائے۔

حریت رہنما یاسین ملک کی اہلیہ مشعال حسین ملک نے مزید کہا کہ عالمی برداری اقوام متحدہ کی قراردادوں کے مطابق مسئلہ کشمیر حل کروائے جبکہ عالمی عدالت انصاف یاسین ملک کے معاملے کا نوٹس لے۔