کتنے فیصد پاکستانیوں کے گھر کا کوئی فرد بیرون ملک ملازمت کرتا ہے اس حوالے سے ایک سروے رپورٹ میں انکشاف ہوا ہے۔

گیلپ پاکستان کی جانب سے کیے گئے سروے میں یہ بات سامنے آئی ہے کہ 91 فیصد پاکستانیوں کے گھر کا کوئی   بھی فرد بیرون ملک ملازمت نہیں کرتا ۔

سروے رپورٹ  کے مطابق صرف 9 فیصد پاکستانیوں کے گھر کا کوئی نہ کوئی فرد  بیرون ملک  ملازمت کرتا ہے۔

گیلپ پاکستان  کی جانب سے کیے گئے سروے میں  ملک بھر سے تقریباً 12 سو سے زائد افراد نے حصہ لیا۔ یہ سروے 30 مئی سے 13جون 2022 کے درمیان کیا گیا۔

بیرون ملک ملازمت کرنے والے سب سے زیادہ افراد کا تعلق خیبر پختونخوا سے  ہے جن کی تعداد 20 فیصد ہے ، پنجاب  کی 9 فیصد، بلوچستان  کی 5 فیصد جبکہ سندھ  کی 4  فیصد  ہے۔