وزیر قانون نے کہا کہ نیب کی ترامیم وہی ہیں جو تحریک انصاف نے دی تھیں صدر مملکت کا آئینی کردار آئین پاکستان میں واضع کردہ ہے۔

اسلام آباد میں میڈیا سے گفتگو کرتے ہوئے وفاقی وزیر قانون اعظم نذیر تارڑ کا کہنا تھا کہ  صدر مملکت نے بل منظوری کے باوجود واپس بھجوایا،صدر مملکت کو 70 فیصد ترامیم پر کوئی اعتراض نہیں تھا مشترکہ اجلاس میں ایک بار پھر بل پر صدر مملکت کے اعتراضات کو اٹھایا گیا۔

انہوں نے کہا کہ نیب ایک آمر کا بنایا ہوا قانون ہے یہ ترامیم بہت پہلے ہونی چاہیے تھیں پی ٹی آئی نے یہ ترامیم نومبر 2021 میں آرڈیننس کے ذریعے کی تھیں سابق چیئرمین نیب پچھلی حکومت کو بہت پسند تھے پی ٹی آئی اپنی حکومت کے خاتمے تک چیئرمین نیب کو ساتھ رکھنا چاہتی تھی،

وزیر قانون اعظم نذیر تارڑ نے مزید کہا کہ سپریم کورٹ نے کئی بار نیب کی کارکردگی پر برہمی کا اظہار کیا جبکہ نیب 3،3سال کیس چلا کر پھر معذرت کر لیتا ہے۔