ڈاکٹر یاسمین راشد نے کہا کہ ہر روز سی ایم ہاؤس میں میٹنگ ہوتی ہیں کہ ضمنی انتخابات میں دھاندلی کیسے کرنی ہے۔

تحریک انصاف پنجاب کی صدر ڈاکٹر یاسمین راشد نے پریس کانفرنس کرتے ہوئے کہا کہ  عمران خان لاہور آئے ورکرز کنونشن جلسوں میں بدل گئے تھے لوگ سٹرکوں پر کھڑے ہو کر خطاب سنتے رہے جبکہ اس وقت پنجاب میں تحریک انصاف لیڈ کر رہی ہے۔

یاسمین راشد نے کہا کہ لاہور ہائی کورٹ کے فیصلے کا خیرمقدم کرتے ہیں، الیکشن کمیشن کے حوالے سے ہمارے شک بالکل ٹھیک نکلے ہیں جبکہ سندھ میں الیکشن کمیشن بالکل ناکام رہا۔

انہوں نے مزید کہا کہ زرداری مافیا نے ساری سیٹیں لینے کیلئے دھاندلی کی ہے، شبیر گجر کے معاملے پر ایف آئی آر ابھی تک نہیں ہوئی، کسی ادارے کا کام نہیں الیکشن میں انٹر فیئر کرے جبکہ اب نیوٹرلز کو کہتے ہیں نیوٹرل رہیں۔