گوجرانوالہ میں پنجاب حکومت کے رات 9 بجے بازار بند کرنے کے احکامات پر عملدرآمد شروع ہو گیا ہے۔

تفصیلات کے مطابق شہر کے تمام بازار، شاپنگ مال اور مارکیٹں رات 9 بجے بند ہو گئیں۔

ذرائع کا کہنا ہے کہ کلاتھ مارکیٹ، ریل بازار، سید نگری بازار، صرافہ بازار، قصائیاں والا بازار وقت پر بند ہو گئے۔

ذرائع نے کہا کہ سیٹلائٹ ٹاؤن، پیپلز کالونی، ماڈل ٹاؤن کی مارکیٹں بھی بند کروا دی گئیں۔

انتظامیہ کا کہنا ہے کہ تمام تاجر تنظیمیں رات 9 بجے بازار بند کرنے پر متفق ہیں، خلاف ورزی کرنے والوں کو پہلے وارننگ پھر 24 گھنٹوں کیلئے سیل اسکے بعد 72 گھنٹوں کیلئے سیل اور جرمانہ کیا جائے گا۔