کنوینر ایم کیو ایم پاکستان خالد مقبول صدیقی نے کہا ہے کہ پاکستان آج محفوظ ہاتھوں میں ہے۔

خالد مقبول صدیقی نے کراچی چیمبر آف کامرس میں بزنس کیمونٹی سے خطاب کرتے ہوئے کہا کہ کراچی کے لاپتہ افراد کیلئے بزنس کمیونٹی نے کبھی کردار ادا نہیں کیا، ہم نے آدھی زندگیاں روپوشی میں گزاری ہیں۔

ان کا کہنا تھا کہ قائد اعظم کا پاکستان اور بھٹو کے پاکستان کا مقابلہ کیجیے، مہاجرین نے ہی کراچی کو تعمیر کیا ہے، لوگ شکوہ کرتے ہیں ایم کیو ایم کے آنے سے کراچی میں حالت ابتر ہو گئے تھے، کیا ایم کیو ایم سے قبل کراچی کے حالات بہت اچھے تھے؟

انہوں نے کہا کہ سی پیک رول بیگ کس کے دور میں ہوا اور کس نے کیا سب کو معلوم ہے، پاکستان کو خطرات کا سامنا ہے۔

خالد مقبول نے کہا کہ پاکستان کو بچانے کیلئے کراچی کو بچانا ضروری ہے، کراچی کو با اختیار میئر چاہیے، میری وزارت میں چائنا کیساتھ اسٹیل مل کی ترقی کا معاہدہ ہو گیا تھا جسکو پورا نہیں ہونے دیا۔