سراج الحق نے کہا کہ جماعت اسلامی 25جون کو تین روزہ عظیم الشان ٹرین مارچ کا انعقادکرے گی۔

امیر جماعت اسلامی سراج الحق نے اپنے ایک بیان میں کہا کہ ٹرین مارچ حکمرانوں کی غریب دشمن پالیسیوں کے خلاف پرامن احتجاج ہے تین بڑی جماعتوں نے ملک کو آئی ایم ایف کے ہاتھوں بیچ دیا جبکہ موجودہ حکومت پی ٹی آئی کی پالیسیوں کا ہی تسلسل ہے۔

سراج الحق نے مزید کہا کہ مہنگائی کی وجہ سے عوام کا سانس لینا دشوار ہو گیا ہے ملک کو درپیش مسائل کا ذمہ دار فرسودہ نظام اور اس کے رکھوالے ہیں۔

سراج الحق کا کہنا تھا کہ عوام جاگیرداروں، وڈیروں اور کرپٹ سرمایہ داروں کو مسترد کریں عوام اہل قیادت کو آگے لائیں تاکہ ملک اسلامی فلاحی ریاست بن سکے۔