میرپورخاص میں بجلی کی معطل سپلائی کے خلاف بلدیہ شاپنگ سینٹر کے دکانداروں نے شدید احتجاج کیا۔

تفصیلات کے مطابق ایم اے جناح روڈ بلاک کر کے دکانداروں نے شدید احتجاج کرتے ہوئے شور مچایا کہ 10 روز ہونے کو آگئے ٹرانسفارمر تبدیل نہیں کیا جا رہا۔

احتجاج کے دوران دکانداروں کا کہنا تھا کہ 500 کے قریب دکانوں پر مشتمل بلدیہ شاپنگ سینٹر کا کاروبار تباہ ہو کر رہ گیا ہے۔

دکانداروں نے اعلان کیا کہ جب تک ہمیں نیا ٹرانسفارمر نہیں لگا کر دیا جائے گا ہم دھرنا ختم نہیں کریں گے، اس شاپنگ سینٹر سے 100 فیصد بلوں کی ادائیگی ہے پھر بھی حیسکو کا ہمارے ساتھ یہ سلوک سمجھ سے بالا تر ہے۔