پاکستان تحریک انصاف کے رہنما و سابق وزیر دفاع پرویز خٹک نے کہا ہے کہ عمران خان کی مقبولیت دیکھ کر دشمنوں کی نیندیں حرام ہو گئی ہیں۔

پرویز خٹک نے لاہور میں ہونے والے پی ٹی آئی کے جلسے سے خطاب کرتے ہوئے کہا کہ یہ چور آخر کب تک ہم پر راج کریں گے؟ ملک کو نواز شریف اور زرداری کے قرضوں نے بھکاری بنا دیا ہے۔

ان کا کہنا تھا کہ عمران خان کی مقبولیت دیکھ کر ان کی نیندیں حرام ہو گئی ہیں، 17 جولائی کو غنڈوں کو شکست دینی ہے۔

انہوں نے کہا کہ شہباز شریف کہتا تھا کپڑے بیچ دوں گا، اس نے تو ہمارے ہی کپڑے بیچ دیے، 17جولائی کو آپ سب نے باہر نکلنا ہے، آپ نے گلی گلی جا کر لوگوں کو عمران خان کا پیغام پہنچانا ہے، کب تک ہم مانگتے اور غلامی کرتے رہیں گے؟ اب بس بدمعاشی کا جواب ہم بدمعاشی سے ہی دیں گے۔