گوجرانوالہ پولیس نے منشیات فروشوں کے خلاف کارروائی کرتے ہوئے 1 ملزم کو گرفتار کر لیا ہے۔

تفصیلات کے مطابق تھانہ صدر وزیر آباد نے بین الصوبائی منشیات فروش علی ذوالقرنین کو گرفتار کر لیا ہے۔

ایس پی صدر نے کارروائی کی تفصیلات دیتے ہوئے کہا کہ ملزم کے قبضے سے کروڑوں روپے مالیت کی نو کلو پانچ سو گرام ہیروئن برآمد ہوئی ہے۔

ان کا کہنا تھا کہ ملزم پشاور سے منشیات لا کر پنجاب کے مختلف اضلاع میں سپلائی کرتا تھا۔

انہوں نے یہ بھی کہا کہ ملزم چناب پل سے رکشے پر منشیات لے کر آرہا تھا کہ ہم نے کارروائی کر کے اسے پکڑ لیا۔

ایس پی صدر نے مزید کہا کہ تفتیش کر کے مقامی منشیات فروشوں کا ڈیٹا حاصل کیا جا رہا ہے۔