مٹیاری میں معمولی بارش ڈرائیوروں اور مسافروں کے لیے زحمت بن گئی۔

تفصیلات کے مطابق مٹیاری مین معمولی بارش کے بعد قومی شاہراہ پر تین الگ الگ حادثات میں 10 سے زائد افراد شدید زخمی ہو گئے جن میں  بچے اور خواتین بھی شامل ہیں۔

پولیس کا کہنا ہے ک زخمیوں میں سے بیشتر کی حالت تشویشناک ہے۔

ذرائع کا کہنا ہے کہ بارش کے باعث کراچی سے  پشاور جانے والی مسافر کوچ الٹ گئی جبکہ ٹرالر اور ڈاٹسن بھی حادثے کا شکار ہوئے۔

ریسکیو ذرائع کا کہنا ہے کہ حادثات میں زخمی ہونے والے تمام افراد کو حیدرآباد اور نوابشاہ کے اسپتالوں میں منتقل کیا جا رہا ہے۔

ذرائع کا کہنا ہے کہ نیشنل ہائی وے حادثات موٹر وے پولیس کی عدم توجه کی وجہ سے پیش آئے ہیں۔