وفاقی وزیر صحت اور رہنما پیپلز پارٹی عبدالقادر پٹیل نے کہا ہے کہ ملک کے تمام داخلی راستوں بشمول ہوائی اڈوں اور زمینی راستوں پر سخت نگرانی کا فیصلہ کیا گیا ہے۔

تفصیلات کے مطابق عبدالقادر پٹیل نے اپنے ایک بیان میں کہا کہ انڈیا میں امیکرون کیسز میں اضافے کے پیش نظر یہاں سے آنے والے مسافروں کی سخت نگرانی کا فیصلہ کیا گیا ہے۔

ان کا کہنا تھا کہ ڈائریکٹوریٹ آف ہیلتھ سروسز کو ہدایات جاری کر دی گئیں ہیں، فیصلے سے کورونا کا پھیلاو روکنے میں مدد ملے گی۔

انہوں نے یہ بھی کہا کہ حکومت کورونا سے نمٹنے کیلئے موثر اقدامات کو یقینی بنا رہی ہے۔