وفاقی وزیر صحت عبدالقادر پٹیل کی ہدایت پر انڈیا سے آنے والے مسافروں کی کورونا کے حوالے سے سخت نگرانی کا فیصلہ کیا گیا ہے۔

تفصیلات کے مطابق وفاقی وزیر صحت عبدالقادر پٹیل نے ڈایریکٹر آف سینٹرل ہیلتھ اسٹیبلشمینٹ ڈاکٹر سید غلام مرتضیٰ شاھ کو اس حوالے سے ہدایات جاری کر دی ہیں۔

عبدالقادر پٹیل کا کہنا ہے کہ ملک کے تمام داخلی راستوں بشمول ہوائی اڈوں، زمینی راستوں یعنی واہگہ بارڈر اور کرتار پور میں سخت نگرانی کا فیصلہ کیا ہے، اس سے کورونا کے بین السرحدی پھیلاو کو روکنے میں مدد ملے گی۔

ان کا کہنا تھا کہ بھارت میں کورونا کے سب ویرینٹ اومیکرون BA275 کے کیسز میں اچانک اضافے کے پیش نظر یہ فیصلہ کیا ہے۔

انہوں نے مزید کہا کہ حکومت کورونا وائرس سے نمٹنے کیلئے موثر اقدامات کو یقینی بنا رہی ہے۔