مسلم لیگ ق کے سربراہ و سابق وزیر اعظم چودھری شجاعت حسین نے کہا ہے کہ پرویز الہٰی میرے وزارت اعلیٰ کے امیدوار تھے، آج بھی ہیں اور کل بھی رہیں گے۔

تفصیلات کے مطابق سابق وزیر اعظم چودھری شجاعت حسین نے اپنے ایک بیان میں کہا کہ میرا اداروں کے ساتھ 30،40 سال سے تعلق رہا ہے، میں اداروں پر تنقید کرنے والوں کی کیسے حمایت کر سکتا ہوں؟

ان کا کہنا تھا کہ ادارے ہیں تو پاکستان میں استحکام ہے، تنقید کرنا علیحدہ چیز ہے، اداروں کے خلاف نازیبا زبان برداشت نہیں۔

پارٹی سربراہ کا کہنا تھا کہ ادارے ملک کی سالمیت کو اپنا فرض سمجھتے ہیں اس لیے اداروں کے خلاف شرمناک زبان کی اجازت نہیں دی جا سکتی۔

انہوں نے کہا کہ محب وطن پاکستانی ایسی بات سنیں تو موقع پر اس کا منہ توڑ جواب دیں۔