راجہ بشارت نے کہا ہے کہ عوامی مینڈیٹ کو تسلیم نہ کیا گیا تو ملکی حالات مذید خراب ہونگے۔

تفصیلات کے مطابق پاکستان تحریک انصاف کے رہنما راجہ بشارت نے میڈیا سے گفتگو کرتے ہوئے کہا کہ پنجاب حکومت اپوزیشن کے ارکان پنجاب اسمبلی کو پولیس کے ذریعے ہراساں کرنے لگی۔

راجہ بشارت نے کہا کہ تحریک انصاف اور مسلم لیگی ارکانِ پنجاب اسمبلی کی نگرانی کے لیے پولیس کی ڈیوٹی لگا دی گئیں، اہل کار کوائف جمع کرنے کے بہانے ارکان اسمبلی کو فون کررہے ہیں۔

پاکستان تحریک انصاف کے رہنما راجہ بشارت کا مزید کہنا تھا کہ ایم پی اے فوزیہ عباس کو اشفاق علی سب انسپکٹر سپیشل برانچ رحیم یار خان کا میسج منظر عام پر آگیا، عوامی مینڈیٹ کو تسلیم نہ کیا گیا تو ملکی حالات مذید خراب ہونگے۔