دادو میں سات برس کی بچی سے جنسی زیادتی کی کوشش ناکام بناتے ہوئے پولیس نے ملزم کو رنگے ہاتھوں گرفتار کر لیا۔

تفصیلات کے مطابق دیہاتیوں نے پولیس کی مدد سے گاؤں کریم داد کی مسجد میں چھاپہ مار کارروائی کر کے 7 سالا بچی کو درندوں سے بچا لیا۔

پولیس کا کہنا ہے کہ دیہاتیوں اور پولیس کی بروقت مداخلت سے ملزم رنگے ہاتھوں گرفتار ہو گیا، ملزم نصیر ببر پر 304 A, 376, 511 پی پی سی کے تحت دفعات داخل کی گئیں ہیں۔

پولیس نے کہا کہ سات سالہ بچی انعم کو رکشہ ڈرائیور ملزم نصیر بھلا پھسلا کر لایا تھا، بچی کے طبی معائنے کے لیے لیٹر فراہم کیا گیا ہے، طبی معائنے کی تفصیلی رپورٹ آنے کے بعد مزید کارروائی کی جائے گی۔