چیئرمین پی ٹی آئی عمران خان نے پنجاب کے نامزد وزراء کے لیے محکموں کی حتمی منظوری دے دی، عمران خان کی منظوری کے بعد پنجاب حکومت کو فیصلے سے آگاہ کر دیا گیا۔

میاں اسلم اقبال کو ہاؤسنگ اینڈ انڈسٹریز جبکہ علی عباس شاہ کو جنگلات اور وائلڈ لائف کے محکمے کی وزارت دی گئی ہے۔

سردار محسن لغاری کو خزانہ ، تیمور ملک کو اسپورٹس اینڈ کلچر کا محکمہ دیا گیا ہے جبکہ راجہ بشارت کی وزارت تبدیل کرکے انہیں کواپریٹو اور پروسیکیوشن کا محکمہ دیا گیا ہے

  راجہ یاسر ہمایوں کو ہائر ایجوکیشن اور انفارمیشن ٹیکنالوجی ، عنصر نیازی کو لیبر اور منیب چیمہ کو ٹرانسپورٹ کا محکمہ دیا گیا ہے

سردار شہاب الدین کو لائیو اسٹاک ، مراد راس کو اسکول ایجوکیشن اور ڈاکٹر یاسمین راشد کو محکمہ صحت کی وزارت دینے کا فیصلہ کیا گیا ہے۔

خرم ورک کو قانون اور پارلیمانی امور ، ہاشم ڈوگر کو محکمہ داخلہ اور جیل خانہ جات جبکہ آصف نکئی کو ایکسائز کا محکمہ دینے کا فیصلہ کیا گیا ہے۔

علی ساہی کو کمیونیکیشن اینڈ ورکس، نواب زادہ منصور علی خان کو محکمہ مال ، حسین جہانیاں گردیزی کو زراعت اور غضنفر عباس چھینہ کو سوشل ویلفیئر کی وزارت دینے کا فیصلہ کیا گیا ہے۔

لطیف نذر کو محکمہ مائنز اینڈ منرل ، حسنین بہادر دریشک کو محکمہ توانائی اور خوراک ، میاں محمود الرشید کو لوکل گورنمنٹ کا محکمہ دیا گیا ہے۔