جشن آزادی کے موقع پر اسٹیٹ بینک آف پاکستان  نے 75 روپے کے یادگاری بینک نوٹ کے ڈیزائن کی نقاب کشائی کردی ہے۔

سماجی رابطے کی ویب سائٹ ٹوئٹر پر اسٹیٹ بینک آف پاکستان کی جانب سے جاری کردہ پیغام میں بتایا گیا کہ اسٹیٹ بینک نے ملک کی آزادی کی 75ویں سالگرہ پر جاری کیے جانے والے 75 روپے کے یادگاری بینک نوٹ کے ڈیزائن کی نقاب کشائی کی ہے۔

1/2 #SBP unveils the design of Rs.75 commemorative banknote being issued on 75th anniversary of the country’s independence. The note will be available for public issuance from 30th September 2022.
For details: https://www.bolnews.com/urdu/pakistan/2022/08/203244/amp/ pic.twitter.com/qweDbs28g7

Advertisement

— SBP (@StateBank_Pak) August 14, 2022

اسٹیٹ بینک آف پاکستان کا کہنا ہے کہ یہ نوٹ 30 ستمبر 2022 سے عوام کے اجراء کے لیے دستیاب ہوگا۔

 اسٹیٹ بینک آف پاکستان نے بتایا کہ اس نوٹ میں قائداعظم، سرسید احمد خان، علامہ اقبال اور محترمہ فاطمہ جناح کی تصویریں ہیں۔

 اسٹیٹ بینک آف پاکستان کا مزید کہنا ہے کہ نوٹ کے الٹ پر مارخور کی تصویر ماحولیاتی پائیداری پر ہماری توجہ کو نمایاں کرتی ہے۔