آئی ایس پی آر نے کشمیری شہداء کی عظیم قربانیوں پر خراج عقیدت پیش کرتے ہوئے کہا ہے کہ مسلح افواج جدوجہد آزادی میں کشمیریوں کے ساتھ کھڑی ہیں۔

پاک فوج کے شعبہ تعلقات عامہ (آئی ایس پی آر) کے مطابق پاکستان کی مسلح افواج کی جانب سے کشیمریوں کی خودارادیت کی جدوجہد سے بھرپور یکجہتی کا اظہار کیا گیا ہے۔

آئی ایس پی آر نے اس بات پر زور دیا کہ مقبوضہ کشمیر میں 1095دن کا بدترین محاصرہ اور مظالم کا خاتمہ ہونا چاہیے اور مسئلہ کشمیر اقوام متحدہ کی قراردادوں کے مطابق حل ہونا چاہیے۔

اس موقع پر مسلح افواج کی جانب سے کشمیر کے شہداء کو ان کی عظیم قربانیوں پر خراج تحسین بھی پیش کیا گیا۔

سربراہ پاک فضائیہ کا پیغام:

ائیرچیف نے کہا کہ ہم ہمیشہ اپنے کشمیری بھائیوں کی حقیقی جدوجہد آزادی میں انکے ساتھ کھڑے رہیں گے۔

05 August, 2022: On completion of three years of illegitimate revocation of the special status of IIOJ&K, Air Chief Marshal Zaheer Ahmed Baber Sidhu, Chief of the Air Staff, Pakistan Air Force has expressed the resolve to stand with brave and resilient people of IIOJ&K. pic.twitter.com/102G8xZ7Y4

— DGPR (AIR FORCE) (@DGPR_PAF) August 5, 2022

سربراہ پاک فضائیہ ایئر چیف مارشل ظہیر احمد بابر سدھو نے مقبوضہ جموں و کشمیر کی خصوصی حیثیت اور آبادی کے تناسب میں غیرقانونی تبدیلی، جاری بھارتی فوجی محاصرے اور انسانی حقوق کی سنگین خلاف ورزیوں کے تناظر میں مقبوضہ جموں و کشمیر کے بہادر اور جفاکش عوام کی بھارتی غاصبانہ تسلط کے خلاف پر امن جدوجہد میں انکے ساتھ کھڑے ہونے کے عزم کا اعادہ کیا۔

اپنے پیغام میں انہوں نے کہا کہ عدل، انصاف اور انسانی وقار کی سربلندی کے لئے ضروری ہے کہ عالمی برادری ایسے عملی اقدامات اٹھائے جن سے بھارت کو کشمیریوں کے خلاف اپنے موجودہ غیرقانونی اقدامات واپس لینے کے لئے مجبور کیا جا سکے۔

انہوں نے کہا کہ بھارت کو یہ جان لینا چاہیے کہ ہر کشمیری کی شہادت اور ہر گھر کی تباہی سے کشمیریوں کے بھارتی قبضے سے آزادی کے عزم کو مزید تقویت ملے گی۔