گزشتہ رات بھارت کی جانب سے بغیر اطلاع کئے پاکستانی دریاؤں میں پانی چھوڑ دیا گیا جس کے باعث نالہ ڈیک میں اونچے درجے کا سیلاب موجود ہے۔

تفصیلات کے مطابق بھارت کی جانب سے آبی جارحیت کا مظاہرہ کرتے ہوئے نالہ ڈیک میں پانی چھوڑ دیا گیا ہے جس کے باعث اب تک 9 دیہاتوں میں ہوگیا ہے۔

رپورٹ میں بتایا گیا ہے کہ روپووالی، کھیرے، کالووالی خورد، کوٹ، پورا، مل پور،دھاری وال،کلاسوالہ زیادہ متاثر ہوئے ہیں جبکہ سیلابی پانی سے یونین کونسل تخت پور کے دیہاتوں کو نقصان پہنچا ہے۔

نالہ ڈیک میں اس وقت سترہ ہزار ایک سو ستانوے کیوسک کا ریلہ گزر رہا ہے جبکہ یہاں سے پچیس ہزار کیوسک پانی گزرنے کی گنجائش ہے۔

سابق صدر آصف علی زرداری:

اس معاملے پر سابق صدر آصف علی زرداری کی جانب سے بھارت کی طرف سے پاکستانی دریاؤں میں  پانی چھوڑنے کی سخت مذمت کی گئی ہے۔

انہوں نے کہا کہ بھارت کی طرف سے پاکستانی دریاؤں میں پانی چھوڑنے کو انٹرنیشنل معاہدوں کی کھلم کھلا خلاف ورزی ہے۔

انہوں نے مزید کہا کہ بھارت کی اس ہٹ درمی کی وجہ سے ہمارے ہزاروں دیہات اور لاکھوں ایکڑ زمین سیلاب کی زد میں آ ر ہے ہیں۔

آصف علی زرداری نے کہا ہے کہ بھارت کے ان اوچھے ہتھکنڈوں کے خلاف ہر فورم پر جائیں گے۔