نواسہ رسولؐ حضرت امام حسینؓ اور ان کے ساتھیوں کی شہادت کی یاد میں ملک بھر میں مجالس عزا کا انعقاد کیا گیا۔

ملک بھر میں جلوسوں میں سوز و گداز کے ساتھ نوحہ خوانی کا سلسلہ جاری ہے، امام عالی مقام کی فوج کے سپہ سالار حضرت عباسؓ کے علم کی شبیہ اور امام حسینؓ کے ذوالجناح کی شبیہ برآمد ہوئی۔

کراچی ميں آٹھ، نو اور دس محرم الحرام کے جلوس کے سلسلے ميں ٹریفک پولیس کی جانب سے تین روزہ ٹریفک پلان جاری کردیا گیا ہے۔

جلوس کےروٹ پرکوئی بھی گاڑی کھڑی کرنےکی اجازت نہیں ہوگی، ٹریفک کومتبادل راستوں سے گذارا جائے گا۔

کون کون سی سڑکيں ٹريفک کيلئے اور کون سی سڑکیں کھلی رہیں گی

آٹھ محرم کا جلوس نشترپارک سے برآمد ہوگا، مندرجہ ذیل راستوں سے ہوتا ہوا حسینہ ایرانیاں امام بارگاہ پر پہنچے گا اور اختتام پذیر ہوگا۔

جلوس روٹ اختتام پذیر

نشتر پارک ، سر شاہ نواز بھٹو روڈ، محفل شاہ خراساں ، ایم اے جناغ روڈ، منسفیلڈ اسٹریٹ، پریڈی اسٹریٹ۔ دوبارہ ایم اے جناح روڈ، بابائے اردو روڈ، نشتر روڈ، بارہ امام ، الطاف حسین روڈ پرانا نیپئر روڈ، ایم اے جناح روڈ، بولٹن مارکیٹ ، ممبی بازارا، نواب محبت خانجی روڈ سے حسینہ ایرانیاں امام بارگاہ پر اختتام پذیر ہوگا۔

روٹ

ٹريفک پوليس کی جانب سے جاری کردہ متبادل روٹس کے مطابق ناظم آباد سے ايم اے جناح روڈ آنے والے تمام ٹريفک کو لسبيلہ چوک گارڈن کی جانب موڑ دیا جائے گا۔

لیاقت آباد سے ایم اے جناح روڈ آنے والے تمام ٹریفک کو تین ہٹی کی جانب موڑ دیا جائے گا۔

ان تمام گاڑیوں کو جیل روڈ، جمشید روڈ ، شاہراہ قائدین اور پھر شارع فیصل جانے کی اجازت ہوگی۔

جو ٹریفک یونیورسٹی روڈ سے ایم اے جناح روڈ کی طرف جائے گی اسے نیو ایم اے جناح روڈ کی جانب سے آنے کی اجازت ہوگی۔

ٹریفک پولیس کی ہدایات

کراچی ٹریفک پولیس کی جانب سے محرم الحرام کے جلوسوں اور مجالس کے سلسلہ میں متبادل راستوں کا تعین کیا گیا ہے، تاہم ڈرائیور حضرات سے گزارش کی گئی ہے کہ ہدایت پر عمل کریں تاکہ پریشانی سے بچا جا سکے۔

کراچی میں موبائل فون سروس بند

کراچی میں 8 محرم الحرام کے جلوس کی گزرگاہوں پر  موبائل فون سروس بند کر دی گئی۔

پنجاب کابینہ کا محرم الحرام کے لیے فول پروف سکیورٹی پلان منظور

دوسری جانب پنجاب کابینہ نے محرم الحرام کے لیے فول پروف سکیورٹی پلان کی منظوری دے دی ہے، صوبے میں 9 اور  10محرم کو ڈبل سواری پر  پابندی ہوگی، حساس مقامات اور جلوسوں کے راستے پر  موبائل سروس بھی بند رہے گی۔

مزید برآں وزیراعلیٰ پنجاب چوہدری  پرویز الٰہی نے ہدایت جاری کی ہیں کہ  محرم الحرام کے جلوسوں اور مجالس کی سی سی ٹی وی کوریج یقینی بنائی جائے۔