ترجمان حکومت پنجاب فیاض الحسن چوہان نے کہا ہے کہ کوئی مائی کا لال عمران خان کو پاکستان کی سیاست سے باہر نہیں کر سکتا۔

تفصیلات کے مطابق ترجمان حکومت پنجاب فیاض الحسن چوہان نے اپنے ایک بیان میں کہا کہ پاکستان تحریکِ انصاف اور پنجاب حکومت کی ترجمانی میرے لیے اعزاز کی بات ہے۔

“چوہدری پرویز الہٰی ایک تجربہ کار اور منجھے ہوئے سیاستدان ہیں”

فیاض الحسن نے کہا کہ چیئرمین پی ٹی آئی عمران خان اور وزیرِ اعلیٰ پنجاب چوہدری پرویز الٰہی کے اعتماد پر انکا شکر گزار ہوں، چوہدری پرویز الہٰی ایک تجربہ کار اور منجھے ہوئے سیاستدان ہیں۔

“وزیرِ اعلیٰ پنجاب کا تیس سالہ سیاسی تجربہ عوامی فلاح کے منصوبوں سے واضح ہے”

ان کا کہنا تھا کہ وزیرِ اعلیٰ پنجاب کا تیس سالہ سیاسی تجربہ عوامی فلاح کے منصوبوں سے واضح ہے، عمران خان کو سیاست سے آؤٹ کرنے کا خواب دیکھنے والے احمقوں کی جنت میں رہتے ہیں۔

“عمران خان اور پاکستان کا سیاسی منظر نامہ لازم و ملزوم ہیں”

انہوں نے کہا کہ کوئی مائی کا لال عمران خان کو پاکستان کی سیاست سے باہر نہیں کر سکتا، عمران خان اور پاکستان کا سیاسی منظر نامہ لازم و ملزوم ہیں، آئندہ انتخابات میں عمران خان دو تہائی اکثریت کے ساتھ پاکستان کے وزیراعظم بنیں گے۔