چیف سیکرٹری پنجاب کامران علی افضل کی جانب سے عہدے پر کام کرنے سے انکار کردیا گیا ہے۔

تفصیلات کے مطابق چیف سیکرٹری پنجاب اسٹیبلشمنٹ ڈویژن کو مراسلہ لکھ دیا ہے جس میں انہوں نے وفاقی سیکرٹری سے درخواست کی کہ وہ اپنی خدمات مزید پنجاب میں جاری نہیں رکھ سکتے ہیں۔

مراسلے میں چیف سیکرٹری نے مراسلے میں ذاتی وجویات کی بنا پر کام جاری نہ رکھنے بارے آگاہ کیا ہے۔

اسٹیبلشمنٹ ڈویژن کو لکھے جانے والے مراسلے میں چیف سیکرٹری پنجاب نے وفاقی سیکرٹری اسٹیبلمنٹ ڈویژن سے اپنی خدمات پنجاب سے واپس لینے کی درخواست کی ہے۔

کامران علی افضل کی بطور چیف سیکرٹری پنجاب تعیناتی:

 سال 2021 میں وفاقی کابینہ کی جانب سے کامران علی افضل کو چیف سیکرٹری اور سردار علی خان کو انسپکٹر جنرل آف پولیس پنجاب (آئی جی پی) تعینات کرنے کی منظوری دے دی تھی جس کے بعد کابینہ سیکرٹریٹ باضابطہ نوٹیفکیشن بھی جاری کردیا گیا تھا۔

یاد رہے کہ سابق وزیراعلیٰ پنجاب عثمان بزدار نے سابق وزیراعظم عمران خان کو پنجاب کے نئے چیف سیکرٹری اور آئی جی پی کے لیے تین تین ناموں کی سفارش کی تھی۔

چیف سیکرٹریکے لیے سابق وزیراعلیٰ بزدار نے مبینہ طور پر احمد نواز سکھیرا، افضل اور بابر حیات تارڑ اور آئی جی پی کے لیے خان، ظفر اقبال اور محسن بٹ کے نام تجویز کیے تھے۔

کامران علی افضل:

کامران علی افضل پنجاب کے پانچویں چیف چیف سیکرٹری ہیں ۔

انہوں نے یونیورسٹی آف انجینئرنگ اینڈ ٹیکنالوجی، لاہور سے الیکٹریکل انجینئرنگ کی ڈگری اور لندن اسکول آف اکنامکس سے ماسٹرز آف لاء کی ڈگری حاصل کی۔

انہوں نے بلوچستان کے ڈپٹی انسپکٹر جنرل آف پولیس (ہیڈ کوارٹر) اور پنجاب پولیس کے خانیوال ڈویژنل پولیس آفیسر کے طور پر بھی خدمات انجام دیں۔