یورپین یونین سفیر ڈاکٹر رینا کیونکا نے پاکستان کو 75ویں یوم آزادی پر قومی ترانہ بجا کر مبارکباد پیش کی۔

تفصیلات کے مطابق ترجمان یورپین یونین سفارتخانہ نے کہا کہ ڈاکٹر رینا نے بگل یا ترم پر پاکستان کے قومی ترانے کی دھن بجائی۔

ترجمان یورپین یونین سفارتخانہ نے کہا کہ ڈاکٹر رینا نے پاکستان کے قومی پرچم کے رنگوں سے مزین لباس زیب تن کیا، پاکستان کے قومی یادگاریں بھی دھن کے دوران عکس بند ویڈیو میں دکھائی گئیں، ویڈیو میں مزار قائد، مینار پاکستان، قائد ریزیڈنسی، باب خیبر، پاکستان مانومنٹ کو دکھایا گیا۔

ترجمان سفارتخانہ نے کہا کہ رواں سال پاک یورپین یونین تعلقات کے 60 سال بھی مکمل ہو رہے ہیں، پاکستان اور یورپین یونین باہمی تعلقات کو مزید مضبوط بنانے کے لیے پرعزم ہیں۔