ملک بھر میں کورونا وائرس کی چھٹی لہر کے اثرات کم ہونے لگے ہیں، مثبت کیسز کی شرح مسلسل کم ہو رہی ہے۔

پاکستان میں گزشتہ 24 گھنٹوں کے دوران کورونا مثبت کیسز کی شرح میں کمی ہوئی ہے جب کہ ملک میں کورونا مثبت کیسزکی شرح 1.60 فیصد رہی ہے۔

قومی ادارہ برائے صحت (این آئی ایچ) کی رپورٹ کے مطابق گزشتہ 24 گھنٹوں کے دوران ملک میں کورونا وائرس کی شرح 1.60 فیصد ریکارڈ کی گئی۔

COVID-19 Statistics 28 August 2022
Total Tests in Last 24 Hours: 16,871
Positive Cases: 270
Positivity %: 1.60%
Deaths: 03
Patients on Critical Care: 118

Advertisement

— NIH Pakistan (@NIH_Pakistan) August 28, 2022

این آئی ایچ کے مطابق 24 گھنٹوں کے دوران 16 ہزار 871 کورونا ٹیسٹ کیے گئے جن میں سے 270 افراد میں وائرس کی تشخیص ہوئی۔

امریکا کا پاکستان کے لیے کورونا ویکسین کی مزید 90 لاکھ اضافی خوراکوں کا عطیہ

قومی ادارہ برائے صحت کی رپورٹ کے مطابق مہلک وائرس میں مبتلا اب بھی 118 مریضوں کی حالت تشویشناک بتائی جارہی ہے، جنھیں‌ انتہائی نگہداشت میں رکھا گیا ہے۔

پاکستان  کو کووڈ۔ 19 سے بچاؤ کے لیے سات کروڑ 70 لاکھ  ویکسین کی فراہمی کے  عزم  کے تحت  ویکسین کی 90 لاکھ اضافی خوراکوں کی آمد کا سلسلہ کل سے شروع ہو گیا تھا۔

امریکی سفارت خانے کے مطابق کورونا ویکسین کی 90 لاکھ اضافی خوراکوں کی آمد آج سے شروع ہو جائے گی، ویکسین فراہمی کا مقصد کورونا سے نمٹنے کے لیے پاکستان کے ساتھ مل کر کام کرنا ہے۔

امریکی  سفیر ڈونلڈ بلَوم نے کہا ہے کہ ہم نے پاکستان کو ویکسین، دیگر سامان اور تربیت فراہم کی ہے، دونوں ممالک کو کووڈ-19 سے نمٹنے  کے لیے مِل جُل کر کام کرنے کا موقع میسر ہوگا۔

امریکی  سفیر ڈونلڈ بلَوم نے کہا کہ امریکہ  پاکستان کو سب سے زیادہ کووڈ-۱۹ ویکسین عطیہ کرنے والا واحد مُلک ہے، پاکستان  میں جاری  انسداد کورونا مہم کی معاونت کے لیے یو ایس ایڈ کی جانب سے دو کروڑ ڈالر کی اضافی امداد کی منصوبہ بندی بھی کی گئی ہے۔

 انفیکشن کنٹرول کے قواعد پر عمل کریں

فاصلہ رکھیں، اکثر ہاتھ دھویئے دن میں کئی بار ہاتھ دھویئے، بھیڑ والی جگہوں پر لوگوں سے ملنے سے گریز کریں، اگر آپ بیمار ہو تو گھر میں ہی رہیں، اگر آپ کو کورونا کی علامات ہیں تو اپنا خود کورونا ٹیسٹ کروایئے اور ایسی جگہوں پر ماسک پہنیں جہاں آپ لوگوں سے اپنا فاصلہ نہیں رکھ سکتے۔