مسلم لیگ ن کے رہنما محمد زبیر نے کہا ہے کہ الیکشن کمیشن کے کل کے فیصلے سے عمران خان ایکسپوز ہو جائیں گے۔

تفصیلات کے مطابق محمد زبیر نے اپنے ایک بیان میں کہا کہ پی ٹی آئی فنانشل ٹائمز کے خلاف کیس کیوں نہیں کرتی؟

ان کا کہنا تھا کہ شہباز شریف پر جب الزام لگا تھا تو انہوں نے ڈیلی میل کے خلاف کیس کیا تھا، شاہد خاقان عباسی نے ضمانت لینے سے انکار کر دیا تھا۔

واضح رہے کہ الیکشن کمیشن آف پاکستان نے پی ٹی آئی فارن فنڈنگ کیس کا فیصلہ کل سنانے کا اعلان کردیا۔

الیکشن کمیشن کا تین رکنی بینچ کل محفوظ فیصلہ سنائے گا جب کہ یہ فیصلہ چیف الیکشن کمشنر سکندر سلطان راجا کی زیر صدارت تین رکنی بینچ سنائے گا۔