سابق وزیراعظم عمران خان نے کہا ہے کہ شہباز گل کے جوڈیشل ریمانڈ کی منظوری قابل مذمت ہے۔

سماجی رابطے کی ویب سائٹ پر اپنے ایک پیغام میں چیئرمین تحریک انصاف عمران خان نے شہباز گل کے جوڈیشل ریمانڈ کی منظوری پر اپنے خیالات کا اظہار کیا ہے۔

شہبازگِل پرکئےجانےوالےجسمانی تشدد کی شدیدمذمت کرتاہوں۔کس قانون کےتحت اور کس کےاحکامات پراسےنشانۂ ستم بنایاجارہاہے؟اگر اس نےکوئی قانون توڑاہےتو اسےصفائی پیش کرنےکاموقع دیاجاناچاہئے۔ مگرمحض مجرموں کی امپورٹڈ حکومت بچانےکیلئےپوری ڈھٹائی سےآئین اورتمام قوانین پامال کئےجارہےہیں۔

Advertisement

— Imran Khan (@ImranKhanPTI) August 12, 2022

عمران خان نے کہا ہے کہ اگر شہباز گل نے کوئی قانون توڑا تو اس کی منصفانہ سماعت کی جائے لیکن صرف بدمعاشوں کی امپورٹڈ حکومت کو بچانے کے لیے آئین اور تمام قوانین کی دھجیاں اڑائی جا رہی ہیں۔

انہوں نے کہا کہ امپورٹڈ حکومت ان سارے اقدام کے ذریعے عوام  میں خوف کی  لہر پیدا کرنا چاہتی ہے، عدلیہ کو اس کا نوٹس لینا چاہیے ۔

زلفی بخاری:

پی ٹی آئی رہنما زلفی بخاری نے اپنے جاری کردہ ٹوئٹ میں کہا ہے کہ امپورٹڈ حکومت کا دماغ خراب ہوچکا ہے، وہ شہبازگل کو تشدد کا نشانہ بناکر عمران خان کے خلاف بیان دلوانا چاہتے ہیں۔

امپورٹڈ حکومت کا دماغ خراب ہوچکا ہے!شہبازگل کو تشدد کا نشانہ بناکر عمران خان کے خلاف بیان دلوانا چاہتے ہیں،کل رات سے ایک غریب عورت کو اس کی بچی سمیت جیل میں رکھا ہوا ہے۔ پاکستان کے20 کلومیٹر میں دہشت مچائی ہوئی ہے. انہیں اس کا حساب دینا ہوگا!

کفر کا نظام چل سکتا ہے، ظلم کا نہیں pic.twitter.com/OB2YcCRChj

— Sayed Z Bukhari (@sayedzbukhari) August 12, 2022

انہوں نے کہا کہ کل رات سے ایک غریب عورت کو اس کی بچی سمیت جیل میں رکھا ہوا ہے، انہیں اس کا حساب دینا ہوگا کیونکہ کفر کا نظام تو چل سکتا ہے لیکن ظلم کا نہیں۔