خیرپور میں مسجد کی چھت گرنے سے 10 افراد جاں بحق جبکہ 100 سے زائد زخمی ہوگئے ہیں۔

تفصیلات کے مطابق یہ افسوسناک حادثہ خیرپور میں احمد پور  کے قریب پیش ایا، جہاں مسجد کی چھت گرنے سے 10 افراد جاں بحق جبکہ 100 سے زائد زخمی ہوئے ہیں۔

 ریسکیو ذرائع کا کہنا ہے کہ حادثہ  مسجد کی چھت گرنے  کے   باعث پیش آیا البتہ تمام زخمیوں کو اسپتال متقل کردیا گیا ہے۔

ریسکیو ذرائع کا مزید کہنا ہے کہ  زخمیوں میں بعض کی حالت تشویش ناک ہے جس کے باعث مزید ہلاکتوں کا خدشہ ہے۔

واضح رہے کہ کچھ ماہ قبل ہی کراچی کے علاقے مچھر کالونی سراجی چوک بابری مسجد کے قریب بھی مکان کی چھت گرنے سے 03 خواتین جاں بحق جبکہ 2 خاتون زخمی ہوگئی تھیں۔