پاکستان تحریک انصاف کے مرکزی سینئر نائب صدر فواد چوہدری نے کہا ہے کہ  ن لیگ کو سمجھ ہی نہیں آ رہی کہ کرنا کیا ہے۔

 خیبر پختونخواہ ہاؤس میں پریس کانفرنس کرتے ہوئے مرکزی سینئر نائب صدر فواد چوہدری نے کہا کہ ن لیگ اتنے گھبرائے ہوئے ہیں کہ ٹی وی کی جان ہی نہیں چھوڑ رہے، ان کو سمجھ ہی نہیں آ رہی کہ کرنا کیا ہے۔

فواد چوہدری کا کہنا تھا کہ کدھر گئی مریم نواز ، جو کہتی تھی کہ ہم ایک کال پر کراؤڈ اکٹھا کر سکتے ہیں، ان کو لگتا ہے کہ بند کمرے ان کو عوام کے غیض و غضب سے بچا سکتے ہیں۔

انہوں نے کہا کہ شہباز گل پر جو تشدد ہوا اس کا جواب کراچی کے شہری اپنے ووٹ سے دیں، کراچی کے شہری باہر نکلیں گھروں میں نہ بیٹھیں اور بلے پر ووٹ لگائیں۔

فواد چوہدری کا کہنا تھا کہ پنجاب اسمبلی میں رانا ثناء اللہ کی تقریر آج بھی پڑی ہے اس کو زرا سن لیں، خواجہ آصف کی تقریر تو سنیں وہ تو 6 ستمبر اور 71 جی قربانیوں کو ہی نہیں مانتا۔

انہوں نے کہا کہ حیران ہوتا ہوں کہ رانا ثناء خود بھی تشدد سے گزرے تاہم اس کے بعد بھی انہوں نے شہباز گل پر تشدد کو ایسے لیا،  جو تحریک انصاف کے ساتھ کھڑے ہیں وہ کم دل والے نہیں۔

  فواد چوہدری نے کہا کہ 131 لوگوں نے عمران خان کی ایک کال پر استعفی دیا، ایسا پاکستان کی تاریخ میں کم ہی ہوتا ہے۔

انہوں نے کہا کہ نواز شریف، زرداری جب حکومت میں ہوتے ہیں وہ پاکستان آتے ہیں اور حکومت نہیں رہتی تو وہ بیگ اٹھا کر واپس چلے جاتے ہیں۔

فواد چوہدری نے کہا کہ چند دن قبل شہباز گل نے قمیض اٹھا کر سب کو نیلی ہوتی ہوئی کمر دکھائی، جو لوگ تشدد سے گزرے وہی کہیں کہ مخالفوں پر ایسا تشدد ہو تو کیا کہیں۔

انہوں نے مزید کہا کہ قانونی کارروائی ہمارا حق ہے، دھمکی تو رانا ثنا نے دی تھی جس کی ویڈیو چلا رہے ہیں۔