ٹھٹھہ میں ڈاکٹرز کی مبینہ لاپرواہی کے باعث حاملہ خاتون جاں بحق ہوگئی ہیں۔

تفصیلات کے مطابق یہ افسوسناک واقعہ ٹھٹھہ میں پیش آیا، جہاں گائنی وارڈ میں داخل حاملہ خاتون ڈاکٹروں کی مبینہ لاپرواہی کے باعث جاں بحق ہوگئی ہیں۔

جاں بحق ہونے والی خاتون کے ورثا کی جانب سے ڈاکٹروں کے خلاف احتجاجی مظاہرہ کیا گیا، مظاہرین نے کہا کہ رات دیر سے خاتون کو ہسپتال منتقل کیا گیا مگر ڈاکٹرز نے کوئی توجہ نہیں دی۔

مظاہرین کا کہنا ہے کہ ساری رات ہم میڈیکل اسٹاف کو التجائیں کرتے رہے مگر کسی نے نہیں سنی۔

جاں بحق ہونے والی خاتون کے گھر والوں کا کہنا ہے کہ سول اسپتال قصاب خانہ بن گیا ہے ہر آئے دن لاپرواہی کے باعث ہلاکتیں ہوتی ہیں۔

انہوں نے کہا کہ کروڑں روپیے کی بجٹ ہڑپ کی جاتی ہے جبکہ  سہولیات ناپید ہیں، لوگوں کو ان کے پیاروں کی میتیں دی جاتی ہیں۔