سابق وزیر داخلہ شیخ رشید نے کہا ہے کہ غریب آدمی کی زندگی 5 مہینے میں تباہ وبرباد ہوگئی۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں  سابق وزیر داخلہ شیخ رشید نے لکھا کہ سیلابی، سیاسی اور معاشی ریلہ پی ڈی ایم کو بہا لے گیا ہے، بلاول لاڑکانہ میں، فضل الرحمان ڈی آئی خان میں، عوام میں جانے کی پوزیشن میں نہیں ہیں۔

مہنگائی کی شرح45%سے بڑھ گئی،پٹرول بھی20روپے فی لیٹر بڑھنے لگا ہے۔غریب آدمی کی زندگی5مہینے میں تباہ وبرباد ہوگئی ہے۔نواز شریف نے شہباز شریف سےکہا ہے کہ اگلی بات تب ہوگی جب میرے اور مریم کے نااہلی کیس ختم ہوں گے،اپنے سارے کیس سیدھے کر لیے اور ہمارے معاملے میں آپ کو کوئی فکر نہیں۔

— Sheikh Rashid Ahmed (@ShkhRasheed) August 27, 2022

جاری کردہ ٹوئٹ میں شیخ رشید لکھتے ہیں کہ مفتاح بہانا ہے، اصل نشانہ شہباز شریف سے اپنے نااہلی کے کیسز ختم کروانا ہے۔

شیخ رشید نے کہا کہ  نواز شریف نے شہباز شریف سے کہا ہے کہ اگلی بات تب ہوگی جب میرے اور مریم کے نااہلی کیس ختم ہوں گے۔

انہوں نے مزید کہا کہ اپنے سارے کیس سیدھے کر لیے اور ہمارے معاملے میں آپ کو کوئی فکر نہیں۔

ان کا کہنا تھا کہ ملک کا سارا انفراسٹرکچر ٹوٹ گیا ہے، چاروں صوبوں میں فوج مدد کے لیے آگئی ہے۔

شیخ رشید کا مزید کہنا تھا کہ مہنگائی کی شرح 45%سے بڑھ گئی،پٹرول پر بھی 20%اضافہ ہونے جارہا ہے، غریب آدمی کی زندگی5 مہینے میں تباہ وبرباد ہوگئی ہے۔

یہ بھی پڑھیں: ملک بھر میں بارشوں اور سیلاب سے تباہی، 937 افراد جاں بحق، لاکھوں مکانات بہہ گئے