صوبہ پنجاب میں بااثر نوجوان کی جانب سے ایک شخص پر بیہمانہ تشدد کا واقعہ سامنے آیا ہے۔

اس حوالے سے سوشل میڈیا پر ویڈیو بھی کافی تیزی سے وائرل ہوتی نظر آرہی ہے جس میں نوجوان کو ایک شخص پر بری طرح تشدد کرتے ہوئے دیکھا جاسکتا ہے۔

ویڈیو میں واضح ہے کہ بااثر قاسم گھلو نامی نوجوان نے نامعلوم شخص کو باندھ کر پائپ سے تشدد کا نشانہ بنایا ہے جبکہ تشدد کرنے والے نوجوان نے تشدد کرنے کی ویڈیو خود بنوائی ہے۔

تشدد کے دوران بیڈ پر پڑا مبینہ غیر قانونی اسلحہ بھی ویڈیو میں نظر آرہا ہے تاہم  تشدد کی ویڈو وائرل ہونے کے باوجود ملزم تاحال گرفتار نہیں ہوسکا ہے۔

اس حوالے سے پولیس کا کہنا ہے کہ ملزم کی آئی ڈی کو ٹریس کرلیا ہے جلد ملزم کو گرفتار کر لیں گے۔

آئی جی پنجاب نے ڈی پی او بہاولپور کو اس افسوسناک واقعہ میں ملوث ملزم کی فوری گرفتاری کا حکم دیا ہے۔ ڈی پی او بہاولپور نے ملزم کی گرفتاری کے لیے ٹیمیں تشکیل دیدی ہیں۔@prodpobwp https://www.bolnews.com/urdu/pakistan/2022/08/914185/amp/

— Punjab Police Official (@OfficialDPRPP) August 18, 2022

خیال رہے کہ یہ افسوسناک واقعہ پنجاب کے ضلع بہاولپور کی تحصیل یزمان میں پیش آیا ہے۔