سابق وزیر داخلہ شیخ رشید کا کہنا ہے کہ 70 غیر آئینی وزراء کے خلاف ہائیکورٹ جارہا ہوں۔

سماجی رابطے کی ویب سائٹ ٹوئٹر پر اپنے جاری کردہ بیان میں شیخ رشید نے کہا کہ 3 رشتیدار، عدالتی ضمانتوں پر مفرور 24کروڑ پاکستانیوں کے مستقبل کا لندن میں فیصلہ کریں گے۔

3رشتیدار،عدالتی ضمانتوں پرمفرور24کروڑ پاکستانیوں کےمستقبل کالندن میں فیصلہ کرینگےخرم دستگیرکہتےہیں قومی سلامتی کےاداروں کےمستقبل کافیصلہ بھی لندن میں یہی کرینگے۔کسی مسلم لیگی لیڈرکواس میٹنگ میں بیٹھنےکی اجازت نہیں تھیPDMکاسیاسی جنازہ دھوم سےنکلےگانوازشریف پاکستان آنےسےگھبرائیں گے

— Sheikh Rashid Ahmed (@ShkhRasheed) September 19, 2022

‘نوازشریف پاکستان آنے سے گھبرائیں گے’

پی ٹی آئی رہنما نے کہا کہ خرم دستگیرکہتے ہیں قومی سلامتی کے اداروں کے مستقبل کا فیصلہ بھی لندن میں ہی کریں گے۔

انہوں نے کہا کہ کسی مسلم لیگی لیڈر کو اس میٹنگ میں بیٹھنے کی اجازت نہیں تھی، نوازشریف پاکستان آنے سے گھبرائیں گے۔

سابق وزیر داخلہ نے کہا کہ150 روپے کلو نایاب آٹا خریدنے والے ریاست اور سیاست سے مایوس ہو گئے ہیں، افغانستان کی کرنسی بھی پاکستان سے بہتر ہوگئی ہے۔

‘بلاول کو ملک چھوڑنے کا بہانہ چاہیے’

انکا کہنا ہے کہ پی ڈی ایم کا سیاسی جنازہ دھوم سے نکلے گا،جس اتحادی نے عمران خان کی حکومت کو چھرا گھونپا وہ عوامی حمایت سے محروم ہو گئے۔

شیخ رشید نے مزید کہا کہ بلاول کو ملک چھوڑنے کا بہانہ چاہیے، 70 غیرآئینی وزراء کے خلاف ہائیکورٹ جارہا ہوں۔

شہباز شریف کی مسلم لیگ ن کے قائد نواز شریف سے ملاقات

گزشتہ روز وزیر اعظم شہباز شریف  کی مسلم لیگ ن کے قائد نواز شریف سے ملاقات ہوئی تھی۔

 وزیر اعظم شہباز شریف اپنے بھائی مسلم لیگ ن کے قائد نواز شریف سے ملاقات کیلئے لندن پہنچے جہاں حسن نواز کے دفتر میں انہوں نے نواز شریف سے ملاقات کی تھی۔

اس سے قبل وفاقی وزیر برائے توانائی خرم دستگیر نے اپنے ایک بیان میں بتایا تھا کہ آرمی چیف کی تعیناتی کا آخری فیصلہ وزیرِ اعظم شہباز شریف لندن میں نواز شریف کے مشورے سےکرینگے۔

خرم دستگیر نے عمران خان کا نام لیے بغیر کہا کہ یہ جتنی مرضی ملاقاتیں کرلیں، آخر فیصلہ وزیراعظم نے کرنا ہے