ملک بھر میں آج بھی موسم گرم رہیگا۔

محکمہ موسمیات کا کہنا ہے کہ آج ملک کے بیشتر علاقوں میں موسم گرم اور مرطوب رہے گا۔

صوبہ سندھ

صوبہ سندھ کے بیشتر اضلاع میں موسم گرم اور مرطوب رہے گا جبکہ میرپور خاص ، ٹھٹھہ ، بدین ، عمر کوٹ اور تھر پارکر میں بارش کا امکان ہے۔

صوبہ پنجاب

 صوبہ پنجاب کے بیشتر اضلاع میں بھی موسم گرم اور مرطوب رہے گا البتہ خطۂ پوٹھوہار، گوجرانوالہ ، لاہور، فیصل آباد، سرگودھا، خوشاب، میانوالی، منڈی بہاؤالدین ، گجرات، سیالکوٹ اورنارووال میں گرج چمک کے ساتھ بارش کا امکان ہے۔

صوبہ خیبرپختونخوا

 صوبہ خیبرپختونخوا کے بیشتر اضلاع میں آج مطلع جزوی ابر آلود رہیگا جبکہ مانسہرہ، ایبٹ آباد ، بو نیر، شانگلہ، سوات، مالاکنڈ، دیر، چترال، مردان، چارسدہ ،پشاور، کوہا ٹ ، کرم اور وزیرستان میں گرج چمک کے ساتھ بارش کا امکان ہے۔

صوبہ بلوچستان

 صوبہ بلوچستان کے بیشتر اضلاع میں بھی  موسم گرم اورخشک رہے گا۔

بارشوں کی پیش گوئی

 ملک بھر میں آج سے مزید بارشوں کی پیش گوئی کی گئی ہے۔

محکمہ موسمیات کا کہنا ہے کہ مغربی ہواؤں کا سلسلہ ملک کے بالائی علاقوں میں 11 ستمبر سے داخل ہوچکا ہے اور بالائی و وسطی علاقوں میں وقفے وقفے سے بارش برسے گی۔

محکمہ موسمیات نے بتایا کہ آج سے 14 ستمبر کے دوران کشمیر، گلگت بلتستان میں بارش کا امکان ہے جبکہ اسلام آباد، راولپنڈی، مری ، اٹک ،چکوال ،جہلم ،لاہور ، گوجرانوالہ ،گجرات ،فیصل آباد، چترال دیر، سوات، مانسہرہ ،کوہستان ،ایبٹ آباد، ہری پور، پشاور ، مردان ، نوشہرہ ،صوابی میں بھی  بارش کا امکان ظاہر کیا گیا ہے۔

محکمہ موسمیات کا کہنا ہے کہ 13 سے 14 ستمبر کے دوران بکھر، لیہ، ڈی جی خان اور مظفر گڑھ میں گرج چمک کے ساتھ بارش کی توقع ہے جبکہ بعض مقامات پر موسلا دھار بارش کا بھی امکان ہے۔

 محکمہ موسمیات نے بتایا کہ 10 سے 14 ستمبر کے دوران تھرپارکر، عمر کوٹ ، سانگھڑ ، بدین ، میرپور خاص، ٹھٹھہ میں اور 13 اور 14 ستمبر کے دوران لسبیلہ، قلات ،خضدار میں تیز ہواؤں گرج چمک کے ساتھ بارش کا امکان ہے۔