شہر قائد میں سمندری ہوائیں تاحال معطل ہیں جس کے باعث آج شہر کا پارہ 38 تک جانے کا امکان ظاہر کیا گیا ہے۔

محکمہ موسمیات کا کہنا ہے کہ شہر قائد  میں آج موسم گرم اور مرطوب رہیگا جبکہ شہر کے مضافات میں آج بھی بارش ہونے کا امکان موجود ہے۔

محکمہ موسمیات نے بتایا کہ شہر میں آج بارش کے زائد امکانات نہیں ہیں البتہ اس دوران کم سے کم درجہ حرارت 24.9 ڈگری سینٹی گریڈ ریکارڈ اور زیادہ سے زیادہ درجہ حرارت 36 تا 38 ڈگری سینٹی گریڈ ریکارڈ ہونے کا امکان ہے۔

محکمہ موسمیات کا مزید کہنا ہے کہ شہر میں 3 کلو میٹر فی گھنٹہ کی رفتار سے شمال مغربی ہوا چل رہی ہے جبکہ سمندری ہوائیں تاحال معطل ہیں۔