وزیر اعظم شہباز شریف نے تاجکستان کے صدر امام علی رحمان سے ملاقات کی جس میں دو طرفہ اور علاقائی اہمیت کے مختلف امور پر تبادلہ خیال کیا گیا۔

دونوں رہنماؤں نے تاریخی شہر سمرقند میں شنگھائی تعاون تنظیم کے سربراہ مملکت کے اجلاس کے موقع پر ملاقات کی۔

Prime Minister Muhammad Shehbaz Sharif is having a delegation level meeting with the Tajik side in Samarqand, Uzbekistan pic.twitter.com/mJkEE20BLQ

— Prime Minister’s Office (@PakPMO) September 15, 2022

ملاقات میں تجارت، معیشت، توانائی اور عوام سے عوام کے رابطوں سمیت مختلف شعبوں میں پاکستان اور تاجکستان کے درمیان تعلقات کو مضبوط بنانے کے طریقوں اور ذرائع پر توجہ مرکوز کی گئی۔

وفاقی وزراء خواجہ آصف اور مفتاح اسماعیل، سیکرٹری خارجہ سہیل محمود اور اعلیٰ حکام موجود تھے۔

وزیر اعظم شہباز شریف 15-16 ستمبر کو ہونے والے شنگھائی تعاون تنظیم کے سربراہان مملکت کے سالانہ اجلاس میں شرکت کے لیے جمعرات کو دو روزہ دورے پر ازبکستان پہنچ گئے۔

سمرقند انٹرنیشنل ایئرپورٹ پہنچنے پر ازبکستان کے وزیراعظم عبداللہ اریپوف نے وزیراعظم کا استقبال کیا۔

اس موقع پر ازبکستان کے وزیر برائے پبلک ایجوکیشن بختیور سیدوف، گورنر سمرقند ایرکنجن تردیموف، قائم مقام وزیر خارجہ غیرت فوزیلوف اور پاکستان میں ازبکستان کے سفیر ایبک عارف عثمانوف موجود تھے۔

Prime Minister of Uzbekistan Abdulla Aripov receives Prime Minister Muhammad Shehbaz Sharif at Samarqand International Airport pic.twitter.com/0WT4zlI7iH

— Prime Minister’s Office (@PakPMO) September 15, 2022

اجلاس میں شرکت کے لیے دو روزہ دورے پر پہنچنے پر وزیر اعظم شہباز شریف نے جمعرات کو ازبکستان کے تاریخی شہر سمرقند کی قدیم مسجد خضر کا دورہ کیا۔

وزیراعظم نے آٹھویں صدی میں تعمیر ہونے والی مسجد کے فن تعمیر کے شاہکار کو سراہا اور ازبکستان کے پہلے صدر اسلام کریموف کے مزار پر بھی حاضری دی۔

Prime Minister Muhammad Shehbaz Sharif visited Hazrat Khizar complex and Tomb of Islam Karimov in Samarkand, Uzbekistan pic.twitter.com/oR56womPxh

— Prime Minister’s Office (@PakPMO) September 15, 2022

خیال رہے کہ وزیراعظم آج صبح شنگھائی تعاون تنظیم کے سربراہی اجلاس میں شرکت کے لیے یہاں پہنچے جہاں وہ سائیڈ لائنز پر عالمی رہنماؤں سے ملاقاتیں بھی کریں گے۔

وزیراعظم روس کے صدر ولادیمیر پیوٹن، ترک صدر رجب طیب اردوان، ایرانی صدر ابراہیم رئیسی، بیلاروسی صدر الیگزینڈر لوکاشینکو اور کرغزستان کے صدر سدیر جاپاروف سمیت دیگر عالمی رہنماؤں سے ملاقاتیں کریں گے۔