ملک بھر میں آج موسم خشک رہیگا۔

محکمہ موسمیات کا کہنا ہے کہ ملک کے بیشترعلاقوں میں آج موسم خشک جبکہ وسطی و جنوبی علاقوں میں موسم گرم رہے گا۔

 صوبہ پنجاب

 صوبہ پنجاب کے بیشتر اضلاع میں آج موسم گرم اورخشک رہے گا جبکہ گوجرانوالہ، سیالکوٹ، نارووال، اوکاڑہ، قصور، لاہور اور گردونواح میں چند مقامات پر گرج چمک کے ساتھ بارش کا امکان ہے۔

صوبہ خیبرپختونخوا

صوبہ خیبرپختونخوا  کے بیشتر اضلاع میں بھی موسم خشک رہے گا جبکہ مالاکنڈ، سوات، دیر، چترال ، مردان، پشاور، ایبٹ آباد، مانسہرہ، اور گردونواح میں چند مقامات پر گرج چمک کے ساتھ بارش کا امکان ہے۔

صوبہ سندھ

صوبہ سندھ کے بیشتر اضلاع میں آج موسم گرم اورخشک رہے گا جبکہ کراچی اورحیدرآباد میں دن  بھر تیز ہوائیں چلنے کا سلسلہ جاری رہیگا۔

صوبہ بلوچستان  

صوبہ بلوچستان کے بیشتر اضلاع میں بھی آج موسم گرم  اورخشک رہے گا۔

واضح رہے کہ آج ریکارڈ کیے گئے زیادہ سےزیادہ درجہ حرارت  میں سبی 41 ، نوکنڈی، بھکر، جوہر آباد اورخانپور میں 40 ڈگری سینٹی گریڈ ریکارڈ کیا گیا ہے۔