پاکستان ایئر کرافٹ اونرز نے کے کے ایوی ایشن کے جہازوں کے پرزے چوری ہونے پر ذمہ داروں کے خلاف ایف آئی آر درج کرانے کا اعلان کیا ہے۔

ایئر کرافٹ اونرز اینڈ آپریٹرز ایسوسی ایشن نے کے کے ایوی ایشن کے جہازوں سے پرزے چوری ہونے سے متعلق اپنے جاری کردہ بیان میں کہا کہ کراچی میں ایئرپورٹ ایریا سے کے کے ایوی ایشن کے جہازوں سے پرزے چوری ہونا سی اے اے کی نااہلی ہے۔

ایئر کرافٹ اونرز کی جہازوں سے پرزے چوری ہونے کے واقعات کی سخت مذمت

آپریٹرز ایسوسی ایشن نے کہا کہ کے کے ایوی ایشن کمپنی کے جہازوں سے پرزے چوری ہونے کے واقعات کی سخت مذمت کرتے ہیں، جہازوں کے پرزے چوری ہونے کا معاملہ افسوسناک عمل ہے۔

انہوں نے کہا کہ کے کے ایوی ایشن نے سیکڑوں پائلٹس اور انجینئرز کو تربیت دی، ایوی ایشن صنعت میں کے کے ایوی ایشن کا الگ مقام تھا، جسے سی اے اے نے جان بوجھ کر تباہ کردیا۔

‘جہازوں کے پرزے اور دیگر سامان چوری ہونا سی اے اے کی سیکیورٹی پر سوالیہ نشان ہے’

ایئر کرافٹ اونرز کا کہنا ہے کہ کراچی ایئرپورٹ کے جنرل ایوی ایشن کے تمام ایریا کی سیکیورٹی سی اے اے کے ذمہ داری ہے، سی اے اے کے سیکیورٹی کمپنی کے گارڈز 24 گھٹنے تعینات ہوتے ہیں، اس کے باوجود جہازوں کے پرزے اور دیگر سامان چوری ہونا سی اے اے کی سیکیورٹی پر سوالیہ نشان ہے۔

‘جہازوں کے پرزے چوری ہونے کی ذمہ داری سی اے اے سیکیورٹی ہے’

انہوں نے کہا کہ سی اے اے حکام نے غلط بلنگ کرکے کے کے ایوی ایشن کو بند کیا، اسکی ذمہ دار سی اے اے ہے، سی اے اے کا ملک میں ایوی ایشن کمپنیوں کو بند کرنے کا طریقہ واردات پرانا ہے،  ماضی میں بھی اسی طرح کے غلط چارجر لگا کر کئی ایوی ایشن کمپنیز کو بند کیا جاچکا ہے۔

آپریٹرز ایسوسی ایشن نے کہا کہ سیل کی گئی ایوی ایشن کمپنی کے جہازوں کی سیکیورٹی اور حفاظت کا ذمہ دار سی اے اے ہے، جہازوں کے پرزے چوری ہونے کی ذمہ داری سی اے اے سیکیورٹی ہے۔

ایئر کرافٹ اونرز کا کہنا ہے کہ کے کے ایوی ایشن سے جہازوں کے پرزے چوری ہونا سیکیورٹی کے ناقص انتظامات کا واضح ثبوت ہے، سیکیورٹی کے ناقص انتظامات سے ایئرپورٹ ایریا میں بڑا واقعہ رونما ہوسکا ہے۔

‘اس مشکل وقت میں ایئرکرافٹ اونرز کے کے ایوی ایشن کیساتھ ہے’

انہوں نے کہا کہ ایئر کرافٹ اونرز اینڈ آپریٹرز ایسوسی ایشن جہازوں سے سامان چوری کا مقدمہ درج کرائے گی، اس مشکل وقت میں پاکستان ایئرکرافٹ اونرز اینڈ آپریٹرز ایسوسی ایشن کے کے ایوی ایشن کے ساتھ ہے۔

انکا کہنا ہے کہ پاکستان ایئرکرافٹ اونرز اینڈ آپریٹرز ایسوسی ایشن سی اے اے کے خلاف قانونی چارہ جوئی مین کے کے ایوی ایشن کی مکمل طور مالی معاونت کرے گی، ایئرکرافٹ اونرز اینڈ آپریٹرز ایسوسی معاملے پر تمام اسٹیک ہولڈرز کے ساتھ رابطے میں ہے، ایسوسی ایشن کی قانونی ٹیم اس معاملے کو دیکھ رہی ہے۔

طیاروں سے پرزے چوری ہونے پر ایئر کرافٹ اونرز  کی وفاقی حکومت سے نوٹس لینے کی اپیل

ایئر کرافٹ اونرز نے کہا کہ کے کے ایوی ایشن کے جہازوں سے پرزے چوری ہونے پر وفاقی حکومت اور چیف جسٹس سے فوری نوٹس لینے کی اپیل کرتے ہیں، سی اے اے کے کے ایوی ایشن کمپنی کے چوری ہونے والے پرزوں اور دیگر اثاثوں کو ہونے والے نقصان کا ازالہ کرے۔

انہوں نے کہا کہ کے کے ایوی ایشن کے نقصان کی مکمل  کی ذمہ داری سی اے اے پر عائد ہوتی ہے، دنیا بھر میں ریگولیٹر کی ذمہ داری ایوی ایشن صنعت کو فروغ دینا ہے لیکن پاکستان سول ایوی ایشن اتھارٹی ملک میں ایوی ایشن کے صنعت کو تباہ کر رہی ہے۔

آپریٹرز ایسوسی ایشن نے کہا کہ پاکستان سی اے اے کرپشن، بد انتظامی اور نااہلی کے طور جانا جاتا ہے، یہی وجہ ہے پاکستان سی اے اے کئی آفیشلز اینٹی کرپشن کورٹس میں مقدمات کا سامنا کررہے ہیں۔

ایئر کرافٹ اونرز کا مزید کہنا ہے کہ چند برسوں میں سی اے اے نے ملک کی 20 ایوی ایشن کمپنیز کو تباہ کرکے بند کردیا، انکی وجہ ملکی ایوی ایشن انڈسٹری تاریکی میں ڈوب چکی ہے۔