انگلینڈ کرکٹ ٹیم پاکستان کے خلاف سات ٹی ٹوئنٹی انٹرنیشنل میچوں کی سیریز کھیلنے کے لیے آج پاکستان پہنچ گئی ہے۔

پہلے چار میچوں کی میزبانی نیشنل اسٹیڈیم کراچی کرے گا جبکہ باقی تین میچز قذافی اسٹیڈیم لاہور میں کھیلے جائیں گے۔

 انگلینڈ اور پاکستان کے مابین سات میچز پر مشتمل سیریز 20 ستمبر سے شروع ہوگی جب کہ 20 ستمبر کو ہونے والے میچ کی تمام رقم وزیراعظم فنڈ ریلیف میں عطیہ کی جائے گی تاہم پہلا میچ منگل کو نیشنل اسٹیڈیم میں کھیلا جائے گا۔

Advertisement

The England squad has arrived at the team hotel in Karachi ✅#PAKvENG pic.twitter.com/M5esMUlDMT

— Pakistan Cricket (@TheRealPCB) September 15, 2022

ڈائریکٹر کمرشل عثمان وحید کا کہنا ہے کہ کراچی میں ہونے والا پہلا ٹی ٹوئنٹی میچ سیلاب سے متاثرہ افراد کی مدد کے لیے اہم کردار ادا کرے گا۔

انہوں نے کہا کہ شائقین اس میچ کی ٹکٹ خرید کر وزیر اعظم کے سیلاب ریلیف فنڈ میں رقم عطیہ کرنے میں پی سی بی کی مدد کرسکتے ہیں۔

دوسری جانب پاکستان کرکٹ بورڈ نے پاکستان اور انگلینڈ کے درمیان تاریخی سات T20 انٹرنیشنل میچوں کے لیے ایک متحرک کمنٹری پینل کا بھی اعلان کر دیا ہے۔

انگلینڈ کے معروف کمنٹیٹر ڈیوڈ گوور اور مارک بچر اور پاکستان کے کرکٹ لیجنڈز وسیم اکرم، وقار یونس، عامر سہیل، بازید خان اور عروج ممتاز 20 ستمبر سے 2 اکتوبر تک کراچی اور لاہور میں کھیلے جانے والے سات میچوں پر کمنٹری کریں گے۔

خیال رہے کہ انگلینڈ کرکٹ ٹیم 17 سال بعد پاکستان کا دورہ کررہی ہے اور یہ میچ اکتوبر میں ہونے والے آئی سی سی مینز ٹی ٹوئنٹی ورلڈ کپ کے لیے اہم ہیں۔