آرمی چیف اور امریکی وزیر دفاع کا باہمی دلچسپی، علاقائی استحکام اور دفاعی تعاون پر گفتگو ہوئی ہے۔

آئی ایس پی آر کے مطابق آرمی چیف اور امریکی وزیر دفاع کے درمیان ٹیلی فونک رابطہ ہوا ہے جس میں باہمی دلچسپی، علاقائی استحکام اور دفاعی تعاون پر گفتگو ہوئی ہے۔

ترجمان پاک فوج کا کہنا ہے کہ امریکی وزیر دفاع نے سیلاب سے پیدا ہونی والی صورت حال پر دلی صدمے کا اظہار کیا ہے جب کہ امریکی وزیر دفاع نے متاثرہ خاندانوں سے تعزیت کا اظہار بھی کیا ہے۔

ترجمان پاک فوج کے مطابق امریکی وزیر دفاع نے مکمل تعاون کی یقین دہانی کروائی ہے جب کہ انہوں نے پاک فوج کی کوششوں کو بھی سراہا ہے۔

آئی ایس پی آر کا مزید کہنا ہے کہ امریکی وزیر دفاع نے ہر سطح پر پاکستان سے تعاون  کے فروغ پر کردار ادا کرنے کے عزم کا اظہار کیا ہے۔