پرویز اشرف نے کہا کہ پاکستان قازقستان کے ساتھ اپنے تعلقات کو قدر کی نگاہ سے دیکھتا ہے۔

تفصیلات کے مطابق اسپیکر قومی راجہ پرویز اشرف کی قازقستان کے سفیر یرژان کستافین سے ملاقات ہوئی جس میں دوطرفہ تعلقاتِ اور باہمی دلچسپی کے دیگر امور پر تبادلہ خیال کیا گیا۔

ملاقات میں اسپیکر قومی راجہ پرویز اشرف کا کہنا تھا کہ قازقستان وسطی ایشیائی ریاستوں کا اہم ملک ہے دونوں ممالک کے درمیان پارلیمانی سفارتکاری باہمی تعاون کو وسعت دینے میں فعال کردار ادا کر سکتی ہے۔

پرویز اشرف کا یہ بھی کہنا تھا کہ پاکستان قازقستان کے ساتھ دوطرفہ تجارت اور دیگر اقتصادی شعبوں میں تعاون کا خواہاں ہے،حالیہ سیلاب کے دوران پاکستان کو بے پناہ نقصان اٹھانا پڑا ہے۔

اسپیکر قومی راجہ پرویز اشرف کا مزید کہنا تھا کہ ماحولیاتی تباہی سے نمٹنے کے عالمی فنڈز کا قیام ضروری ہے جبکہ روانڈہ میں منعقد ہونے والی آئی پی یو کانفرنس کے موقع پر پاکستان میں ہونی والی مالیاتی تباہی کو زیر بحث لانا ضروری ہے۔

اس موقع پر قازقستان کے سفیر نے پرتپاک استقبال پر اسپیکر کا خیر مقدم کیا اور کہا کہ قازقستان کے سفیر نے سیلاب متاثرین کے ساتھ یکجہتی کا اظہار کیا۔

قازقستان کے سفیر یرژان کستافین نے دونوں ممالک کے درمیان دوستانہ تعلقات کو مزید فروغ دینے کی ضرورت بھی پر زور دیا۔