وزیراعظم آزاد کشمیر سردار تنویر الیاس نے کہا ہے کہ مقبوضہ کشمیر میں بھارتی ریاستی دہشت گردی امن پر سوالیہ نشان ہے۔

وزیراعظم سردار تنویر الیاس نے امن کے عالمی دن پر اپنے ویڈیو پیغام میں کہا کہ آج امن کا دن منانے والے مقبوضہ کشمیر و فلسطین کو بھی دیکھیں۔

‘مسئلہ کشمیر اقوام متحدہ میں سب پرانا مسئلہ ہے’

انہوں نے کہا کہ مسئلہ کشمیر اقوام متحدہ میں سب پرانا مسئلہ ہے، اقوام متحدہ اپنی قراردادوں پر عمل کروائے، کیا اقوام متحدہ نہیں جانتی کہ مقبوضہ کشمیر میں 73 سال سے امن نہیں۔

تنویر الیاس نے مزید کہا کہ بارہ لاکھ بھارتی فوج نے مقبوضہ کشمیر کے امن کو تباہ کر رکھا ہے، نیا سمیت کشمیریوں کو بھی امن سے جینے کا حق ہے۔

آج پاکستان سمیت دنیا بھر میں امن کا عالمی دن منایا جارہا ہے

آج پاکستان سمیت دنیا بھر میں امن کا عالمی دن منایا جارہا ہے جس کا مقصد دنیا بھر میں امن کی کوششوں کو فروغ دینا ہے۔

982 میں منایا گیا۔ 2001 میں اقوام متحدہ کی جنرل اسمبلی کی قرارداد نمبر 52 کے تحت اس دن کو منا نے کا فیصلہ کیا گیا، اور 2002 میں اسے پہلی بار عالمی طور پر منایا گیا۔

مزید پڑھیں: مقبوضہ کشمیر؛ ریاستی دہشت گردی میں 3 اور کشمیری نوجوان شہید

اس دن کو منانے کا اہم مقصد دنیا کو ہتھیاروں سے پاک کرنا اور امن کی اہمیت کو اجاگر کرنا ہے، رواں برس اس دن کا مرکزی خیال مل کر امن قائم کرنا ہے۔

مغربی ممالک اور اقوام متحدہ جہاں ایک جانب مساوات عالم کا پیغام دے رہے ہیں وہیں کشمیر، فلسطین، برما اور دنیا کے دیگر خطوں میں مسلمانوں پر ہونے والے یکطرفہ مظالم اقوام متحدہ کے ادارے کی کارکردگی پر ایک بہت بڑا سوالیہ نشان ہیں۔