سندھ میں سیلابی صورتحال کے باعث متاثرین مختلف بیماریوں میں مبتلا ہونے لگے ہیں۔

محکمہ صحت سندھ کی جاری کردہ رپورٹ کے مطابق یکم جولائی تا 30 اگست کے دوران مجموعی طور پر 249 افراد کی اموات رپورٹ ہوئی ہیں۔

محکمہ صحت سندھ نے بتایا ہے کہ ڈائریا کے شکار 93 ہزار 73 افراد کو طبی امداد فراہم کی گئی جبکہ پیچش کے 13 ہزار 567 کیسز سامنے آئے ہیں۔

رپورٹ میں بتایا گیا کہ ملیریا کے 3 ہزار 9 مثبت کیسز سامنے آئے جبکہ 34 ہزار 944 مشتبہ کیسز سامنے آئے اور 343 افراد میں ڈینگی مثبت پایا گیا۔

محکمہ صحت سندھ کا کہنا ہے کہ 93 ہزار 523 افراد میں جلد کی بیماریاں سامنے آئیں جبکہ 19 ہزار 179 افراد آنکھوں کے انفیکشن میں مبتلا ہوئے۔

محکمہ صحت سندھ نے مزید بتایا کہ سانپ کے کاٹنے کے 93 جبکہ سگ گزیدگی کے 523 کیسز رپورٹ ہوئے البتہ مجموعی طور پر اب تک 4 لاکھ 68 ہزار 897 فراد کو طبی امداد فراہم کی جا چکی ہے۔