خیبرپختونخوا میں آٹا مافیا کے گرد گھیرا تنگ کرلیا گیا ہے۔

تفصیلات کے مطابق محکمہ خوراک خیبرپختونخوا کی جانب سے آٹا مافیا کے خلاف کارروائی کی گئی ، جس کے نتیجے میں گودام سے  سرکاری آٹا برآمد کرلیا گیا ہے۔

اسسٹنٹ فوڈ کنٹرولر کا کہنا ہے کہ رنگ روڈ پر واقع گودام سے  300تھیلے سرکاری آٹا برآمد کرکے  2ملزمان گرفتار کرلیے گئے ہیں۔

اسسٹنٹ فوڈ کنٹرولر نے بتایا کہ ملزمان کے خلاف ایف آئی ار درج رکے سرکاری آٹا تحویل میں لے لیا گیا ہے۔

اسسٹنٹ فوڈ کنٹرولر کا مزید کہنا ہے کہ مصنوعی قلت پیدا کر کے مارکیٹ میں مہنگا آٹا فروخت کیا جارہا تھا۔