جموں و کشمیر کے بارے میں او آئی سی کے رابطہ گروپ کے وزرائے خارجہ نے کشمیری عوام کے حق خودارادیت کے حصول اور بھارتی قبضے سے آزادی کے لیے ان کی جائز جدوجہد کی حمایت کا اعادہ کیا ہے۔

تفصیلات کے مطابق نیویارک امریکہ میں اقوام متحدہ جنرل اسمبلی کے 77واں اجلاس کے موقع پر اسلامی تعاون تنظیم کے رابطہ گروپ برائے کشمیر کا وزارتی اجلاس منعقد ہوا جس کا اعلامیہ بھی جاری کردیا گیا ہے۔

At the OIC Contact Group on Jammu & Kashmir, I highlighted grave human rights and humanitarian situation in #IIOJK. Contact Group adopted a joint communique reaffirming strong support for the legitimate struggle of the Kashmiri people for self-determination #UNGA77 #OIC pic.twitter.com/WhO4ODEZnj

Advertisement

— BilawalBhuttoZardari (@BBhuttoZardari) September 22, 2022

او آئی سی سیکرٹری جنرل حصین براھیم طہ نے کشمیر  رابطہ گروپ وزارتی اجلاس کی صدارت کی جس دوران آزاد مستقل انسانی حقوق کمیشن کی کشمیر پر رپورٹس پیش کی گئی۔

اعلامیہ کے مطابق مسئلہ کشمیر پر اسلامی تعاون تنظیم کا دیرینہ موقف دوہرایا گیا اور مسئلہ جموں و کشمیر کو او آئی سی، اقوام متحدہ سلامتی کونسل قراردادوں کے مطابق حل کرنے مطالبہ کیا ہے۔

گروپ کی جانب سے مطالبہ کیا گیا ہے کہ کشمیریوں کو اقوام متحدہ سلامتی کونسل قراردادوں کے تحت حق خودارادیت دیا جائے اور اقوام متحدہ کی چھتری تلے، جمہوری، آزادانہ، غیرجانبدارانہ استصواب رائے یقینی بنایا جائے۔

اعلامیہ کے مطابق ہندوستان کے مقبوضہ جموں و کشمیر پر 5 اگست 2019ء کے غیرقانونی غاصبانہ اقدامات مسترد کرتے ہوئے مقبوضہ خطے کی جغرافیائی ہیت، آبادی کے تناسب میں تبدیلی کی سازش، سلامتی کونسل قراردادوں کے منافی قرار دیا گیا ہے۔

اس موقع پر گروپ کی جانب سے  کشمیریوں کے شہری، سیاسی، معاشی، سماجی اور ثقافتی حقوق سلب کرنے ، بھارت کی متنازعہ علاقے میں غیرقانونی سرگرمیوں، غیر کشمیریوں کو جعلی ڈومیسائل اجراء، ووٹ کا حق، اراضی پر مالکانہ حقوق دینے اور مقبوضہ جموں و کشمیر میں قابض فورسز کے ہاتھوں قتل عام، نسل کشی، پیلٹ گنز کے استعمال، اغواء، لاپتہ کرنے کی مذمت کی گئی ہے۔

او آئی سی گروپ کے مطابق ہندوستان 15 ہزار کشمیری بچوں، نوجوانوں کو لاپتہ کرنے میں ملوث ہے جس کی جھوٹے مقدمات، آزادی کے متوالوں سے سزا، حریت رہنما یاسین ملک کلیدی مثال ہیں۔

اس موقع پر او آئی سی رابطہ گروپ نے شہید سید علی شاہ گیلانی کو زبردست خراج عقیدت پیش کیا۔

اجلاس کے دوران او آئی سی سیکرٹری جنرل کی ایکشن پلان کے اطلاق پر رپورٹ کا خیرمقدم کرتے ہوئے منصفانہ جدوجہد پر کشمیریوں کی حمایت کا اعلان بھی کیا ہے۔

گروپ کا کہنا تھا کہ جنوبی ایشیاء میں پائیدار امن کے لیے مسئلہ کشمیر کا منصفانہ حل ناگزیر ہے، بھارت 5 اگست 2019ء واپس لے، انسانی حقوق کی پامالیاں ختم کرے۔